მივლინება, ანაზღაურების წესი და პირობები

მივლინება არის დამსაქმებლის მიერ დასაქმებულის სამუშაო ადგილის დროებით შეცვლა, სამუშაოს ინტერესებიდან გამომდინარე. ნორმის აგებულების მიხედვით მივლინებისათვის აუცილებელია სამუშაო ადგილის დროებითი შეცვლა მოხდეს და აღნიშნული კი სამუშაოს ინტერესებიდან იყოს გამოწვეული;

მივლინების, ანაზღაურების წესსა და პირობებს არეგულირებს საქართველოს ორგანული კანონის შრომის კოდექსის 21-ე მუხლი, საქართველოს ფინანსთა მინისტრის ბრძანება N220 „დაქირავებულისათვის გადახდილი სამივლინებო ხარჯების ნორმების განსაზღვრის შესახებ“ და საქართველოს საგადასახადო კოდექსი;

მივლინებასთან დაკავშირებულ ყველა ხარჯი უნდა აანაზღაუროს დამსაქმებელმა იმიტომ, რომ მივლინება ხორციელდება დამსაქმებლის ინტერესების გამო. ამასთანავე ზოგჯერ არის ხოლმე შემთხვევები როცა ჯერ დასაქმებული სწევს აღნიშნულ ხარჯს ხოლო შემდგომ ანაზღაურებს დამსაქმებელი, თუმცა ვფიქრობ ასეთი მიდგომა მიუღებელია და სიტყვა „აუნაზღაუროს“ ნიშნავს არა დე ფაქტოს ანაზღაურებას არამედ წინსწრებ ანაზღაურებას. თუ მივლინება სცდება 45 კალენდარულ დღეს (წელიწადში) მაშინ ივარაუდება, რომ მოხდა შრომითი ხელშეკრულების არსებითი პირობების შეცვლა;

თუ დამსაქმებელი და დასაქმებული თანხმდებიან შრომითი ხელშეკრულებით განსხვავებულ წესზე მაშინ განსხვავებულ წესზე შეთანხმებას გააჩნია უპირატესობა კანონისმიერ დანაწესთან შედარებით ანუ შესაძლებელია არა 45 არამედ 100 კალენდარული დღე ჩაითვალოს მივლინებისათვის საჭირო დროდ და ის არ იქნება ბათილი შეთანხმება;

საქართველოს საგადასახადო კოდექსის 101 მუხლი 3 ნაწილის ა ქვემუხლის საფუძველზე: ხელფასის სახით მიღებულ შემოსავალში არ შედის: ა) დაქირავებულისათვის გადახდილი სამივლინებო ხარჯების ანაზღაურება საქართველოს ფინანსთა სამინისტროს მიერ განსაზღვრული ნორმის ფარგლებში;

მივლინების თანხის ოდენობას განსაზღვრავს საქართველოს ფინანსთა მინისტრის ბრძანება N220 „დაქირავებულისათვის გადახდილი სამივლინებო ხარჯების ნორმების განსაზღვრის შესახებ“.

მინისტრის ბრძანების თანახმად მივლინება იყოფა ორ სახედ: შიდა მივლინება (საქართველოს სახელმწიფოს შიგნით) და მეორეა გარე მივლინება (საქართველოს სახელმიწფოს გარეთ). ქვეყნის შიგნით მივლინების სადღეღამისო ხარჯების ნორმა განისაზღვრება 15 ლარის ოდენობით. თუ კი სამუშაოს ადგილიდან 30 კმ-მდე მანძილზე მივლინებისას, როდესაც შესაძლებელია სამუშაო (საცხოვრებელ) ადგილზე იმავე დღეს დაბრუნება, ანაზღაურდება მხოლოდ მგზავრობის ხარჯები; 

რაც შეეხება ქვეყნის გარეთ მივლინებას  არსებობს ორი სახის: მოკლევადიანი 30-ათ დღიანი და გრძელვადიანი 30-ათ დღეზე მეტი ხანგრძლივობის; გარეთ მივლინების შემთხვევაში მგზავრობის ხარჯები ანაზღაურდება შესაბამის მიმართულებაზე არსებული მგზავრობის ღირებულების გათვალისწინებით, მაგრამ არაუმეტეს ეკონომკლასის (ან მისი შესაბამისი კლასის) ბილეთის ღირებულებისა, ხოლო სადღეღამისო ხარჯების ნორმები განისაზღვრება იმავე ბრძანების დანართი N1-ის მიხედვით. 

გარე მივლინების დროს ასევე არსებობს გამონაკლისი შემთხვევებიც, თუ დაქირავებულის მივლინებას ქვეყნის ფარგლებს გარეთ მიმღები მხარე უზრუნველყოფს მხოლოდ კვების ხარჯებით, მაშინ მისი სადღეღამისო ხარჯების ნორმა განისაზღვრება ბრძანების დანართი N1-ში გათვალისწინებული სადღეღამისო ნორმის 30 პროცენტის ოდენობით.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს. 

ვუზრუნველვყობთ თქვენს დაცვას/წარმომადგენლობას:  საქართველოსა და იტალიაში  ყველა ინსტანციის სასამართლოში; 

ადმინისტრაციულ ორგანოებში, საელჩო, საკონსულო, იუსტიციის სახლში და სამინისტროებში; 

სამართლებრივი ურთიერთობის რეგულირებას  ფიზიკურ და იურიდიულ პირებთან; 

სტრასბურგის - ადამიანის უფლებათა ევროპულ სასამართლოში;

კონსულტაციისთვის დაგვიკავშირდით

საქართველოში 599 50 55 78  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში 351 5 47 00 47  
ბარი, ბალენძანოს მოედანი 12ა

გაზიარება

Facebook კომენტარები