როდესაც ავიაკომპანია ფრენას აუქმებს ან აყოვნებს

საავიაციო ტრანსპორტით სარგებლობისას, სხვადასხვა მიზეზებით გადადებული ან გაუქმებული ავიარეისები  ბევრ უსიამოვნებას და პრობლემას იწვევს.შეფერხების მიზეზი როგორც თავად ავიაკომპანიები, ისე გარე ფაქტორებია. ამ დროს ყველაზე ცუდ მდგომარეობაში მგზავრია, რომელმაც არ იცის, როგორ იმოქმედოს.

იმ შემთხვევაში, თუ რეისის გადადების ან  გაუქმების მიზეზი თავად ავიაკომპანიაა, ის ვალდებულია მგზავრს ბილეთი საკუთარი ხარჯებით შეუცვალოს ან თვითმფრინავის გარეშე დარჩენილი მგზავრი დანიშნულების წერტილში სხვა რეისით გაამგზავროს. ამ შემთხვევაში ბილეთების ღირებულებათა შორის სხვაობის ანაზღაურება ავიაკომპანიას მოუწევს.

ტრანზიტული ავიარეისებისას უმჯობესია ისარგებლოთ ერთი ავიაკომპანიით. ამ დროს რეისის გადადების ან შეყოვნების შემთხვევაში გასავლელი პროცედურები მარტივდება. იმ შემთხვევაში, თუ რეისის დაგვიანების გამო მგზავრმა ვერ მოასწრო ტრანსფერის გავლა და სხვა თვითმფრინავში გადაჯდომა, ავიაკომპანია ვალდებულია დანიშნულების წერტილში ის განრიგით გათვალისწინებული შემდეგი თვითმფრინავით გაამგზავროს. 

რისი უფლება აქვს მგზავრს?

თუ ავიარეისი 2 ან 2-ზე მეტი საათით გადაიდო, თქვენ გაქვთ სრული უფლება ავიაკომპანიის წარმომადგენელს მოთხოვოთ უფასო საკვები და  სასმელი. ფულადი კომპენსაციის შემთხვევაში საქმე უფრო რთულდება. მოქმედი კანონმდებლობის შესაბამისად, თუ გამგზავრების, ტრანზიტის  ან ჩაფრენის პუნქტი ევროკავშირის რომელიმე ქვეყანაშია, თქვენ სრული უფლება გაქვთ მოითხოვოთ ფულადი კომპენსაცია.

250 ევრო ავიარეისებისთვის  1500 კმ-მდე მანძილით, 400 ევრო ავიარეისებისთვის  3500 კმ-მდე მანძილით და 600 ევრო ავიარეისებისთვის, რომელთა მანძილიც 3500 კმ-ს აღემატება. ყველა ეს რეგულაცია იმ შემთხვევაში მოქმედებს, თუ თქვენი რეისის 2 ან 2-ზე მეტი საათით გადადების მიზეზი თავად ავიაკომპანიაა.

ბილეთის დაჯავშნის ან შეძენის წინ ყურადღებით გაეცანით თქვენს მიერ არჩეული ავიაგადამყვანის წესებს, რომ საჭიროების შემთხვევაში, შეძლოთ თქვენი უფლებების დაცვა. ეს წესები ავიაკომპანიას საკუთარ ვებ-გვერდზე უნდა ქონდეს გამოქვეყნებული.

თუ  ბავშვს ელოდებით და თვითმფრინავით მგზავრობას აპირებთ, წინასწარ  ექიმთან ვიზიტი აუცილებელია.  წნევის ცვლილებამ, ჟანგბადის უკმარისობამ, დახურულმა სივრცემ შეიძლება დიდი დისკომფორტი შეგიქმნათ. თან უნდა იქონიოთ თქვენი ექიმის სამედიცინო ცნობა . ცნობის უქონლობის შემთხვევაში, აიაკომპანიას აქვს უფლება, დაგატოვებინოთ ბორტი.

მსოფლიოს უმსხვილეს ავიაკომპანიებში სამედიცინო საბუთებს და შესაბამის ცნობებს ორსულობის 28-ე კვირიდან ითხოვენ. თუმცა, ამ შემთხვევაში ყველა ავიაკომპანიას თავისი, ინდივიდუალური წესები აქვს. ერთ-ერთი ყველაზე ხისტი წესების მატარებელი სკანდინავიური SAS-ია. ორსულობის პირველი 4 კვირის განმავლობაში ამ ავიაკომპანიით თქვენ უპრობლემოდ იფრენთ. 4 კვირის ზემოთ - სამედიცინო ცნობის წარმოდგენას მოგთხოვენ და ბორტზე იმ შემთხვევაში დაგიშვებენ, თუ ფრენის ხანგრძლივობა 4 სთ-ს არ აღემატება.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.

კონსულტაციისთვის დაგვიკავშირდით

საქართველოში 599 50 55 78  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში 351 5 47 00 47  
ბარი, ბალენძანოს მოედანი 12ა

გაზიარება

Facebook კომენტარები