რა არის მოვალეთა რეესტრი?

"მოვალეთა რეესტრი" არის ფულადი მოთხოვნის აღსრულების უზრუნველყოფამდე წარმოებული ელექტრონული ბაზა.მასში ყველა ის ფიზიკური და იურიდიული პირია რეგისტრირებული,რომელთა მიმართაც მიმდინარეობს სააღსრულებო წარმოება.

მოვალეთა რეესტრში რეგისტრირდებიან პირები,რომელთაც დაკისრებული აქვთ თანხის გადახდა და არ რეგისტრირდებიან ის პირები,რომელთა სესხიც უზრუნველყოფილია იპოთეკით.

პირი მოვალეთა რეესტრში რეგისტრირდება დაუყოვნებლივ მას შემდეგ, რაც მის წინააღმდეგ დაიწყება სააღსრულებო წარმოება.

მოვალეთა რეესტრში არ რეგისტრირდება უზრუნველყოფილი მოთხოვნის მოვალე. ასევე, სახელმწიფო და თვითმართველობის ორგანოები.

საქართველოს შინაგან საქმეთა სამინისტრო, საჯარო რეესტრის ეროვნული სააგენტო და საქართველოში რეგისტრირებული ყველა საბანკო დაწესებულება ვალდებულია მოვალის სახელზე საკუთრების რეგისტრაციის ან საბანკო ანგარიშების გახსნის შემთხვევაში, დაუყონებლივ აცნობოს შესაბამის სააღსრულებო ბიუროს და შეაჩეროს შემდგომი რეგისტრაცია.

მოვალეთა რეესტრიდან პირის ამორიცხვა ხდება თანხის სრულად გადახდის, დაკისრებული ჯარიმის სხვა სახდელით შეცვლის, აღსრულების შეწყვეტის ან სააღსრულებო საბუთის უკან დაბრუნების შემთხვევაში. ასევე, სასამართლო გადაწყვეტილების საფუძველზე.

მოვალეთა რეესტრში რეგისტრაციიდან ამორიცხვამდე პირს ეზღუდება რეგისტრაციას დაქვემდებარებული მოძრავი და უძრავი ქონებისა და საბანკო ანგარიშების განკარგვა.

მოვალეთა რეესტრის მონაცემები საჯაროა და განთავსებულია აღსრულების ეროვნული ბიუროს ვებ-გვერდზე.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.