როდის ჩაითვლება მტკიცებულება დაუშვებლად?

მტკიცებულება, რომელიც მიღებულია კანონით დადგენილი წესის დარღვევით,(კანონის არაარსებით დარღვევად შეიძლება ჩაითვალოს საპროცესო დოკუმენტების შედგენისა თუ შევსების დროს დაშვებული ტექნიკური ხასიათის უნებლიე შეცდომები, თუ ისინი პროცესის მონაწილის, მათ შორის, მხარის მდგომარეობას არ ცვლის იმგვარად, რომ ამ შეცდომის არარსებობის შემთხვევაში სხვა გადაწყვეტილება იქნებოდა მიღებული)

აგრეთვე ძალადობის, მუქარის, მოტყუების, შანტაჟის, პიროვნების აბუჩად აგდების ან სხვა უკანონო მეთოდის გამოყენებით დაუშვებელია და იურიდიული ძალა არ გააჩნია.

მტკიცებულება ასევე დაუშვებელია, თუ იგი მოპოვებულია კოდექსით დადგენილი წესის დაცვით, მაგრამ უარყოფილი არ არის გონივრული ეჭვი მისი შესაძლო გამოცვლის, მისი ნიშან-თვისებების არსებითი შეცვლის ან მასზე დარჩენილი კვალის არსებითი გაქრობის შესახებ.

ბრალდების მხარის მტკიცებულების დასაშვებობისა და დაცვის მხარის მტკიცებულების დაუშვებლობის მტკიცების ტვირთი ეკისრება ბრალმდებელს.

მხარე ვალდებულია სასამართლოს მიაწოდოს ინფორმაცია საკუთარი მტკიცებულების წარმომავლობის შესახებ.

მტკიცებულების დაუშვებლად ცნობის საკითხს წყვეტს სასამართლო. სასამართლოს გადაწყვეტილება დასაბუთებული უნდა იყოს.

დაუშვებელი მტკიცებულება არ შეიძლება საფუძვლად დაედოს სასამართლოს გადაწყვეტილებას.

დაუშვებელ მტკიცებულებად ჩაითვლება ასევე მოწმის ჩვენება თუ ამ მოწმის გამოკითხვის ოქმი არ გადაეცა მეორე მხარეს.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.