რა უნდა ვიცოდეთ იპოთეკაზე

მოკლე ინფორმაცია ,რაც უნდა იცოდეთ იპოთეკასთან დაკავშირებით :

იპოთეკა ესაა მოთხოვნის უზრუნველყოფის საშუალება. იპოთეკა უზრუნველყოფს კრედიტორის მოთხოვნას იმგვარად, რომ თუ ვალდებულობა არ შესრულდება დროულად და ჯეროვნად, კრედიტორს შეუძლია იპოთეკით დატვირთული ნივთის რელიზაციით ან საკუთრებაში გადაცემით დაიკმაყოფილოს თავისი მოთხოვნა;

იპოთეკა ძირითადი ვალდებულების (მაგ.: სესხის გადახდის ვალდებულების) გარეშე არ არსებობს. ამასთან, ძირითადი ვალდებულების შესაბამისად განისაზღვრება იპოთეკის მოცულობა და შინაარსი;

იპოთეკა იურიდიულ ძალას იძენს, მხოლოდ საჯარო რეესტრში რეგისტრაციის მომენტიდან, ხოლო რეგისტრაცია ხდება ერთ-ერთი მხარის მიერ გარიგების წარდგენის საფუძველზე;

თუ იპოთეკა დადებულია სესხის ხელშეკრულებიდან გამომდინარე მოთხოვნის უზრუნველსაყოფად ხელშეკრულება უნდა დამოწმდეს სანოტარო წესით (ეს წესი არ ვრცელდება კომერციული ბანკების, მიკროსაფინანსო ორგანიზაციების და არასაბანკო დაწესებულებების მიმართ);

იპოთეკის ხელშეკრულების დამოწმებისას ნოტარიუსი ვალდებულია განუმარტოს ხელშეკრულების მხარეებს ის სამართლებრივი შედეგები, რომლებიც მოჰყვება მათ მიერ სესხისა და იპოთეკის ხელშეკრულებებით გათვალისწინებული ვალდებულებების დარღვევას;

შესაძლოა ერთი და იგივე უძრავი ნივთი რამდენჯერმე დაიტვირთოს იპოთეკით. ასეთ შემთხვევაში, იპოთეკის რიგითობა განისაზღვრება არა ხელშეკრულების დადების, არამედ საჯარო რეესტრში იპოთეკის შესახებ განცხადების რეგისტრაციის თარიღის მიხედვით;

იპოთეკით დატვირთული უძრავი ნივთი, შესაძლებელია არ იყოს უშუალოდ ვალდებული პირის საკუთრებაში;

ესაძლებელია იპოთეკა და იპოთეკით უზრუნველყოფილი მოთხოვნა გასხვისდეს და გადაეცეს სხვა პირს. იპოთეკის აქცესორული ბუნებიდან გამომდინარე, მოთხოვნა და ამ მოთხოვნის უზრუნველსაყოფად არსებული იპოთკა მხოლოდ ერთობლივად შეიძლება გასხვისდეს;

შესაძლებელია გასხვიდეს იპოთეკით დატვირთული უძრავი ნივთიც, თუმცა ასეთ შემთხვევაში იპოთეკის ხელშეკრულება შეიძლება ითვალისწინებდეს კრედიტორის თანხმობის აუცილებლობას;

მოვალის მიერ ვალდებულების შეუსრულებლების შემთხვევაში, კრედიტორი თავის მოთხოვნას დაიკმაყოფილებს შემდეგნაირად:

1) კრედიტორი იპოთეკით დატვირთული უძრავი ნივთის საკუთრებაში გადაცემის თაობაზე, მესაკუთრესთან შეთანხმებით და მასთან ერთად განცხადებით მიმართავს საჯარო რეესტრს;

2) ნოტარიუსის მიერ გაცემული სააღსრულებო ფურცილის ან სასამართლო გადაწყვეტილების საფუძველზე გაცემული სააღსრულებო ფურცლის საფუძველზე მოეწყობა იძულებითი აუქციონი და ქონების გასხვისებით მიღებული თანხით დაკმაყოფილდება კრედიტორი.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს. 

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.

კონსულტაციისთვის დაგვიკავშირდით

საქართველოში 599 50 55 78  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში 351 5 47 00 47  
ბარი, ბალენძანოს მოედანი 12ა

გაზიარება

Facebook კომენტარები