EasyJet-ი საქართველოში იწყებს ფრენებს: დაჯავშნე ავიაბილეთები იაფად!

ქართველი ემიგრანტების ადვოკატი საქართველოში / ემიგრანტები იტალიაში / სიახლეები / ემიგრანტები იტალიაში / სიახლე

ბრიტანული დაბალბიუჯეტური ავიაკომპანია EasyJet საქართველოს მიმართულებით ფრენებს იწყებს. ეს სიახლე განსაკუთრებით საინტერესოა მოგზაურებისთვის, ვისაც სურს ევროპულ ქალაქებში იაფად და კომფორტულად მოგზაურობა. ამასთან დაკავშირებით, EasyJet-მა სოციალურ ქსელებში ვიდეორგოლი გაავრცელა, რომელიც მოგზაურებს საქართველოს ულამაზეს ღირსშესანიშნაობებს აცნობს.

2025 წლის გაზაფხულიდან, EasyJet-ის ფრენები თბილისის საერთაშორისო აეროპორტიდან პირდაპირ დაგვაკავშირებს ევროპულ ქალაქებთან, როგორიცაა მილანი, ლონდონი და ჟენევა. ავიაბილეთების შეძენა უკვე შესაძლებელია ავიაკომპანიის ვებგვერდზე, რაც მოგზაურებს წინასწარ დაგეგმვის საშუალებას აძლევს.

პირველი რეისები: თბილისი-ჟენევა

EasyJet-ის პირველი ფრენა თბილისიდან ჟენევას მიმართულებით 31 მარტს არის დაგეგმილი და აღნიშნულ მიმართულებაზე რეისები კვირაში ორჯერ შესრულდება.

ფრენები მილანისა და ლონდონის მიმართულებით

1 აპრილიდან EasyJet-ი კვირაში ორჯერ შეასრულებს ფრენებს თბილისის საერთაშორისო აეროპორტიდან ლონდონის ლუტონისა და მილანის მალპენსას აეროპორტების მიმართულებით. ეს სიახლე განსაკუთრებით მოსახერხებელი იქნება იმ მოგზაურებისთვის, ვინც ევროპაში მუშაობს, სწავლობს ან დასასვენებლად მიემგზავრება.

EasyJet მსოფლიოში ერთ-ერთი ყველაზე დიდი და დაბალბიუჯეტური ავიაკომპანიაა, რომელიც ამ დროისათვის 38 ქვეყანაში – 20 შიდა და 139 საერთაშორისო მიმართულებაზე ახორციელებს ფრენებს. კომპანიის მთავარი ბაზა ლონდონშია და იგი ცნობილია მაღალი ხარისხის სერვისითა და ხელმისაწვდომი ავიაბილეთებით.

კონსულტაციისთვის დაგვიკავშირდით