Wizz Air - მგზავრებს მიმართავს თხოვნით რომ, გამგზავრებამდე მინიმუმ 3 საათით ადრე გამოცხადდნენ აეროპორტში

Wizz Air იმ მრავალ ავიაკომპანიას შორისაა, რომლებიც დაზარალდნენ გლობალური IT შეფერხებით. აღნიშნულ საკითხთან დაკავშირებით, უნგრული ავიაკომპანია განცხადებას ავრცელებს.

„დღეს, როგორც ყველა სხვა ავიაკომპანია, Wizz Air-იც განიცდის მწვავე ტექნიკურ გამოწვევებს გლობალური IT-სისტემის მუშაობის შეფერხების გამო. **Wizz Air**-ის მომხმარებლებს, შესაძლოა პრობლემები შეექმნათ ავიაკომპანიის ვებგვერდისა და მობილური აპლიკაციის სერვისების გამოყენებასთან დაკავშირებით.

Wizz Air-ის ონლაინ სერვისები, რომლებიც ამჟამად შეფერხებით მუშაობს:

• Wizz Air-ის ვებსაიტი და მობილური აპლიკაცია
• დაჯავშნის სისტემა
• ონლაინ შემოწმების სისტემა და ჩასხდომის ბარათის ჩვენება
• საკონტაქტო ცენტრები – ახალი ჯავშნები და არსებულში შეტანილი ცვლილებები

მიმდინარე შეფერხების პერიოდში, მგზავრებს ვთხოვთ, გამგზავრებამდე მინიმუმ 3 საათით ადრე გამოცხადდნენ აეროპორტში, რათა შეძლონ რეგისტრაცია, უსაფრთხოებისა და საპასპორტო კონტროლის პროცედურების სწრაფად გავლა. აეროპორტში უფასო რეგისტრაცია ხელმისაწვდომია ყველა მგზავრისთვის.

Wizz Air-ის გუნდი ყველაფერს აკეთებს იმისათვის, რომ მომხმარებლებისთვის მინიმუმამდე დაიყვანოს ტექნიკური შეფერხებით გამოწვეული ზიანი“.