ამანათები რპმ არ შეყოვნდეს შემოსავლების სამსახური მოქალაქეებს მოუწოდებს, გადამზიდავ კომპანიებს სრულყოფილი ინფორმაცია მიაწოდონ,

შემოსავლების სამსახური აქვეყნებს ბოლო 1 წლის სტატისტიკურ მონაცემებს საფოსტო გზავნილების შესახებ

ფინანსთა სამინისტროს შემოსავლების სამსახური გაცნობებთ, რომ ბოლო 1 წლის  სტატისტიკური მონაცემებით, საფოსტო გზავნილების საერთო რაოდენობამ 13 319 043 შეადგინა, რაც 2022-2023 წლების ანალოგიურ პერიოდთან შედარებით 36.6%-ით მეტია.

ეფექტური საბაჟო კონტროლის განხორციელების მიზნით, უწყება აღჭურვილია თანამედროვე სტანდარტების შესაბამისი რენტგენო ინსპექტირების სისტემებით, რათა შეუფერხებლად განხორციელდეს გაზრდილი საფოსტო გზავნილების მიმართ, საბაჟო კონტროლის პროცედურები.
შეგახსენებთ, რომ საფოსტო გზავნილით შემოტანილ ან გასატან საქონელზე საბაჟო დეკლარაციას  ავსებს  საფოსტო გზავნილის გადამზიდავი, რომელიც არის მიმღების და გამგზავნის წარმომადგენელი. ის შემოსავლების სამსახურში საქონლის შესახებ, ინფორმაციის წარდგენისას, ხელმძღვანელობს თავად პირის მიერ მიწოდებული მონაცემებით, შესაბამისად, გზავნილის მიმღები და გამგზავნი ვალდებულია საფოსტო გზავნილის გადამზიდავს მიაწოდოს  სწორი და სრულყოფილი ინფორმაცია. თუ საფოსტო გზავნილით შემოტანილ საქონელს არ აქვს თანმხლები დოკუმენტაცია, რის გამოც დაუდგენელია მისი ღირებულება ან  თუ დათვალიერების შედეგად  დადგინდა, რომ გზავნილის სავარაუდო ღირებულება აღემატება დოკუმენტაციაში ასახულ თანხას - საბაჟო ორგანოს მიერ, განხორციელდება საქონლის ექსპერტიზა სწორი საბაჟო ღირებულების განსაზღვრის მიზნით. არასწორი მონაცემების მიწოდების ( ღირებულების) გამოვლენის შემთხვევაში დგება საჯარიმო ოქმი  საბაჟო კოდექსის 167-ე მუხლის შესაბამისად.

აღნიშნული რეგულაციის ფარგლებში, ყველა საფოსტო გადამზიდავის მიმართ, თანაბრად ვრცელდება კანონმდებლობით დადგენილი ნორმები/საბაჟო კონტროლის პროცედურები.

ფინანსთა სამინისტროს შემოსავლების სამსახური ფიზიკურ პირებს  მოუწოდებს,  საფოსტო გზავნილის გადამზიდავ კომპანიებს მიაწოდონ სრულყოფილი ინფორმაცია, რათა არ მოხდეს ამანათის შეყოვნება და სწრაფად განხორციელდეს მის მიმართ საბაჟო ფორმალობები.

წყარო: ფინანსთა სამინისტროს შემოსავლების სამსახური

კონსულტაციისთვის დაგვიკავშირდით

საქართველოში 599 50 55 78  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში 351 5 47 00 47  
ბარი, ბალენძანოს მოედანი 12ა

გაზიარება

Facebook კომენტარები