რას ითვალისწინებს უძრავ ნივთზე მფლობელობის აღდგენის ახალი სერვისი?

აღსრულების ეროვნული ბიურო მოქალაქეებს სასყიდლიანი ხელშეკრულებების რეგისტრაციის ახალ სერვისს შესთავაზებს.უფრო კონკრეტულად სიახლეებზე გვესაუბრება იურისტი ნათია ნაკაშიძე.

"გაქირავებული ბინის უკან დაბრუნების საკითხი ბოლო პერიოდში ხშირად განიხილება. გამოსახლების პროცესში პოლიცია აღარ მონაწილეობს და დავის გადასაწყვეტად სასამართლოს გადაწყვეტილებაა საჭირო. წერილობით იქნება ხელშეკრულება დადებული თუ ზეპირი ფორმით, როდესაც დამქირავებელი ვალდებულებებს არ ასრულებს, ამ დროს სასამართლოს მიმართავენ.

თუმცა ახალი სერვისი უძრავ ნივთებზე მფლობელობის აღდგენის მოქნილი და ხელმისაწვდომი სისტემის შექმნას გულისხმობს. იუსტიციის სამინისტროს ინიციატივა ითვალისწინებს ცალკეული ხელშეკრულების რეგისტრაციისა და მისგან გამომდინარე შეუსრულებელ ვალდებულებაზე ბრძანების გამოცემის გამარტივებას.

აღსრულების ეროვნულ ბიუროში შესაძლებელი გახდება სასყიდლიანი ხელშეკრულების (მათ შორის, იჯარის/ქირავნობის ხელშეკრულების) რეგისტრაცია. მისი სავალდებულო პირობა იქნება მხარეთა შეთანხმება, რომ ვალდებულების დარღვევის შემთხვევაში, აღსრულების ეროვნული ბიურო, სასამართლოს გარეშე, გამოსცემს აქტებს შეუსრულებელი ფულადი ვალდებულების გადახდევინების ან/და უძრავი ნივთის გამოთხოვის შესახებ.

თუ კანონი მიღებულ იქნა, აღსრულების ბიურო სასამართლოს გარეშე დაავალდებულებს პირს, ხელშეკრულებით ნაკისრი პირობით ქირის თანხის გადახდას, ან ნაქირავები ბინის დაცლას."

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.