შპს შეზღუდული პასუხისმგებლობის საზოგადოება ვალდებულია თუ არა სარეგისტრაციო მონაცემებში მიუთითოს კაპიტალის ოდენობა?

შპს შეზღუდული პასუხისმგებლობის საზოგადოება ვალდებულია თუ არა სარეგისტრაციო მონაცემებში მიუთითოს კაპიტალის ოდენობა?  აღნიშნულ საკითხთან დაკავშრებით ისაუბრებს სამოქალაქო და ბავშვთა უფლებებში ლიცენზირებული ადვოკატი ნათია ნაკაშიძე. 

„მეწარმეთა შესახებ“ ახალი კანონის ამოქმედებამ მნიშვნელოვნად შეცვალა სამართლებრივი ჩარჩო, რომელიც არეგულირებს საქართველოში მეწარმე სუბიექტების, მათ შორის, შეზღუდული პასუხისმგებლობის საზოგადოების (შპს) და სააქციო საზოგადოების (სას) საქმიანობას. ერთ-ერთი მნიშვნელოვანი სიახლე შეეხება კაპიტალის სარეგისტრაციო მონაცემებში მითითების სავალდებულოობას, რომელიც განსხვავებულად განისაზღვრება შპს-სა და სას-ისთვის.

შპს კაპიტალის რეგულაცია

ახალი კანონმდებლობის თანახმად, შეზღუდული პასუხისმგებლობის საზოგადოება - შპს სარეგისტრაციო მონაცემებში ვალდებული არ არის მიუთითოს კაპიტალის ოდენობა. ეს ნიშნავს, რომ:

1) სარეგისტრაციო მონაცემებში კაპიტალის ოდენობის მითითება შპს-სთვის არ არის სავალდებულო მოთხოვნა;

მიუხედავად ამისა, დამფუძნებლებს უფლება აქვთ სურვილისამებრ ასახონ:

ა) ნებადართული კაპიტალი მაქსიმალური ოდენობა, რომლის ფარგლებში შესაძლებელია მომავალში წილების განთავსების შესახებ გადაწყვეტილების მიღება;

ბ) განთავსებული კაპიტალი რეალურად განსაზღვრული კაპიტალის ოდენობა დაფუძნების მომენტისთვის.

აღნიშნული მიდგომა უზრუნველყოფს შპს-ს საქმიანობის მოქნილობას და ამცირებს ადმინისტრაციულ ტვირთს რეგისტრაციის ეტაპზე.

სააქციო საზოგადოების კაპიტალის რეგულაცია 

სრულიად განსხვავებული სამართლებრივი რეჟიმი მოქმედებს სააქციო საზოგადოებაზე, რომლისთვისაც:

1) სავალდებულოა რეგისტრაციის მომენტში განთავსებული კაპიტალის ოდენობის მითითება;

2) სავალდებულოა ასევე განაღდებული კაპიტალის ოდენობის ასახვა;

3) სურვილის შემთხვევაში შესაძლებელია ნებადართული კაპიტალის დაფიქსირებაც;

4) მინიმალური მოთხოვნა: სააქციო საზოგადოების განთავსებული კაპიტალი უნდა შეადგენდეს არანაკლებ 100,000 ლარს, ხოლო განაღდებული კაპიტალი უნდა იყოს არა ნაკლებ 25% განთავსებული კაპიტალისა და შეყვანილი ფულადი სახსრებით.

რომ შევაჯამოთ, შეზღუდული პასუხისმგებლობის საზოგადოება (შპს) ვალდებული არ არის სარეგისტრაციო მონაცემებში მიუთითოს კაპიტალის ოდენობა, თუმცა შესაძლებელია ნებადართული ან განთავსებული კაპიტალის ასახვა დამფუძნებელთა სურვილისამებრ.

რაც შეეხება სააქციო საზოგადოებას, რეგისტრაციისას სავალდებულოა განთავსებული და განაღდებული კაპიტალის ოდენობის დაფიქსირება, მინიმალური მოთხოვნების გათვალისწინებით.

კონსულტაციისთვის დაგვიკავშირდით

საქართველოში 598 419 416  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში ქართველი ოპერატორი 351 5 47 00 47  
Italia, Bari, Piazza Nicola Balenzano, 12 A

გაზიარება

Facebook კომენტარები