უცხოეთის მოქალაქე ყოფილი ქმარი, რა უნდა იცოდეთ, თუ თქვენი ყოფილი მეუღლე უცხოელია, რა პრობლემები ჩნდება, როცა ყოფილი ქმარი უცხოეთის მოქალაქეა - ყველაფერი, რაც უნდა იცოდეთ განქორწინებასა და სამართლებრივ სირთულეებზე

ადვოკატი / ადვოკატი ნათია ნაკაშიძე / Advokati | lawyer / iuristi / ადვოკატის ნომერი / ადვოკატი / სტატიები / განქორწინება / განქორწინების მედიაცია / განქორწინება დისტანციურად ემიგრანტებისთვის / მეუღლეთა ქონების თანასაკუთრების გაყოფა / ქართველი ემიგრანტების ადვოკატი საქართველოში

ადმინისტრაციული, სამოქალაქო და ბავშვთა უფლებების საკითხებზე სპეციალიზებული ადვოკატი ნათია ნაკაშიძე მოქალაქეების აქტუალურ შეკითხვებს პასუხობს.

შეკითხვა 1 ჩემი მეუღლე უცხო ქვეყნის მოქალაქეა და არაერთხელ უარი მივიღეთ საქართველოში ბინადრობის უფლების მიღებაზე. გვაქვს ოფიციალურად რეგისტრირებული ქორწინება, ბავშვსაც მამამისის გვარი აქვს და მეუღლის სახელზე რეგისტრირებულია საცხოვრებელი ბინაც. ბოლოს ქვეყანაში შემოსვლის უფლებაც კი აღარ მისცეს. რა სამართლებრივი გზა არსებობს?

პასუხი: მსგავს ვითარებაში რეკომენდებულია სასამართლოსთვის მიმართვა. საქართველოს კანონმდებლობით, უცხო ქვეყნის მოქალაქეზე, რომელიც საქართველოს მოქალაქის მეუღლეა, შესაძლებელია მუდმივი ცხოვრების ნებართვის გაცემა, და არა დროებითი. აღნიშნული საქმის დეტალურად სამართლებრივად შეფასების და წარმოების მიზნით აუცილებელია პროფესიული იურიდიული დახმარების მიღება.

შეკითხვა 2 მაქვს ჩემი დედამთილისგან მუქარის შემცველი ფარული ჩანაწერი. შეიძლება თუ არა ეს ჩანაწერი გამოვიყენო სამართლებრივი დავისას?

პასუხი: საქართველოს კანონმდებლობა კერძო საუბრის უნებართვო ჩაწერას სისხლისსამართლებრივ დანაშაულად მიიჩნევს. თუმცა, თუ ჩანაწერში წარმოდგენილია სხვა დანაშაულის ჩადენის ან მოსალოდნელი დანაშაულის მტკიცებულებები, ჩანაწერის გამოყენება შესაძლებელია, თუ მას გამოძიების ორგანოებს გადასცემთ. ასეთ შემთხვევაში ჩანაწერი შეიძლება გამოყენებული იქნას საქმის წარმოებისას.

შეკითხვა 3 თუ არასრულწლოვანი ბავშვი მემკვიდრეა, როგორ უნდა განხორციელდეს მის სახელზე ქონების რეგისტრაცია?

პასუხი: არასრულწლოვანი პირისთვის ქონების გადაცემა მემკვიდრეობის წესით შესაძლებელია დაბრკოლებების გარეშე. თუმცა, მნიშვნელოვანია, გაითვალისწინოთ, რომ არასრულწლოვანის სახელზე რეგისტრირებული ქონების გაყიდვა ან სხვაგვარი გასხვისება შეუძლებელია სასამართლოს თანხმობის გარეშე. ეს წესი ვრცელდება უძრავ ქონებაზე, მანქანებზე და იმ მოძრავ ნივთებზე, რომელთა ღირებულება 1000 ლარს აღემატება.

შეკითხვა 4 შემიძლია თუ არა მოვითხოვო ჩემი არასრულწლოვანი შვილისთვის ყოფილი მეუღლის ქონებიდან წილის გადაცემა?

პასუხი: ქონების გადაცემა ან წილის მოთხოვნა მხოლოდ მემკვიდრეობითი წესითაა შესაძლებელი, რაც პირის გარდაცვალების შემდეგ ხდება აქტუალური. სიცოცხლის პერიოდში პირი თავისუფალია თავის ქონებაზე ნებისმიერი სახის განკარგვის განხორციელებაში. თუმცა, შეგიძლიათ მოითხოვოთ ალიმენტის დანიშვნა, რათა უზრუნველყოფილი იყოს თქვენი არასრულწლოვანი შვილის ფინანსური ინტერესები.

შეკითხვა 5 ჩემი მი ყოფილი მეუღლე, რომელიც უცხოეთის მოქალაქეა, ბავშვის ქვეყნიდან წაყვანით მემუქრება, ამტკიცებს, რომ სასამართლოს გზით მიიღო ბავშვის მეურვეობის უფლება მის ქვეყანაში. როგორ დავიცვა შვილის უფლებები?

პასუხი: ბავშვის საზღვარგარეთ გაყვანის თავიდან ასაცილებლად, გირჩევთ, არ გასცეთ თანხმობა პასპორტის აღებაზე, სანამ დავა არ მოგვარდება. თუ ბავშვს უკვე აქვს პასპორტი, სასწრაფოდ მიიღეთ პროფესიული იურიდიული კონსულტაცია, რათა დაიცვათ თქვენი და თქვენი შვილის უფლებები. სხვა ქვეყნის სასამართლოებს, როგორც წესი, არ შეუძლიათ მიიღონ გადაწყვეტილება ორივე მშობლის მონაწილეობის გარეშე, განსაკუთრებით, როცა ერთი მშობელი და ბავშვი ცხოვრობენ სხვა სახელმწიფოში.

კონსულტაციისთვის დაგვიკავშირდით