დაკავებულია 7 პირი, ხოლო 21 პირს წარუდგინეს ბრალდება ყალბი საიდენტიფიკაციო დოკუმენტების ფლობისა და დამზადების ბრალდებით.

ადვოკატი / ადვოკატი ნათია ნაკაშიძე / ქართველი ემიგრანტების ადვოკატი საქართველოში / ემიგრანტები იტალიაში / სიახლეები / ემიგრანტები იტალიაში

იტალიაში, უდინეში ყალბი დოკუმენტებით მომუშავე ქართველი მომვლელები პოლიციის საგამოძიებო დეპარტამენტის გამოავლინა, იტალიის ტერიტორიაზე არალეგალურად ცხოვრებისა და მუშაობის (ყალბი საბუთები) ფაქტებზე.

უდინეს პოლიციის დეპარტამენტის მობილური ჯგუფის მიერ დაწყებული გამოძიების ფარგლებში, რომელიც შეეხებოდა არალეგალურად მცხოვრებ ქართველ მომვლელ ქალებს იტალიის ტერიტორიაზე, სამართალდამცავებმა, პროკურატურის მითითებით ჩატარებული ჩხრეკების დროს დაკავებულია 7 და 22 პირის მიმართ მიმდინარეობს გამოძიება.

გამოძიებამ დაადგინა, რომ საქმე ეხებოდა საქართველოს მოქალაქე ქალებს, რომელთა ასაკი მერყეობდა 24-დან 66 წლამდე. ისინი სამუშაოს ეძებდნენ უდინეს პროვინციაში, თუმცა თავს ევროკავშირის მოქალაქეებად ასაღებდნენ და წარმოდგენდნენ ყალბ საბუთებს სავარაუდოდ სლოვაკეთის, პოლონეთისა და ბულგარეთის ქყვეყნებისას.

აღნიშნული პირები სამსახურს ეძებდნენ უდინეს პროვინციაში, რისთვისაც იყენებდნენ სლოვაკეთის, პოლონეთისა და ბულგარეთის ყალბ საბუთებს, რომელთა საშუალებითაც შესაძლებელი ხდებოდა სამუშაო ბაზარზე (მომვლელთა სააგენტოების სისტემაში) შესვლა და სარგებლობა სამართლებრივი, საგადასახადო და ჯანდაცვის შეღავათებით, რითაც გვერდს უვლიდნენ ევროკავშირის არაწევრი ქვეყნების მოქალაქეთა ქვეყნის ტერიტორიაზე შესვლისა და დარჩენის მარეგულირებელ ნორმებს.

სამსახურის საჭიროებიდან გამომდინარე, საქართველოს მოქალაქეები შემდგომ გადაადგილდნენ იტალიის სხვა პროვინციებში. სამართალდამცველებმა ჩხრეკა ჩაატარეს უდინეს გარდა პადუაში, ტრევიზოში, ტრენტოში, ბოლცანოში, მილანში, აოსტაში, ფლორენციაში, პრატოში, მაჩერატაში, რომსა და ნეაპოლში.

სპეცოპერაციის ფარგლებში ამოღებულია ევროკავშირის 21 ყალბი დოკუმენტი, საგადასახადო კოდები, მათი გაცემის დამადასტურებელი ცნობები და გაფორმებული სამუშაო კონტრაქტების ასლები. ამ ეტაპზე დაკავებულია : სამი ქალბატონი ბოლცანოში, ერთი უდინეში, ერთი მილანში, ერთი ტრევიზოსა და ერთი მაჩერატაში, აღნიშნული პირები დაკავებული იქნენ დანაშაულის ფაქტზე, ხოლო დანარჩენების მიმართ საქმე გადაეცა სასამართლოს.

გამოძიება გრძელდება იმ პირების იდენტიფიცირების მიზნით, რომლებმაც ფულადი ანაზღაურების (300-დან 600 ევრომდე) სანაცვლოდ ბრალდებულებს ფიქტიური დოკუმენტები მიაწოდეს. ასევე გრძელდება შემოწმება იმ მიზნით, ხომ არ იყენებენ მსგავს მეთოდებს სხვა ქვეყნებიდან მოქმედი დანაშაულებრივი დაჯგუფებები.

ლეონარდო ბრუნო

28/06/2025

საადვოკატო ბიურო „ნაკაშიძე და პარტნიორები“ კიდევ ერთხელ მოუწოდებს ყველა დაინტერესებულ პირს, თავი შეიკავონ ნებისმიერი სახის საეჭვო გარიგებაში მონაწილეობისა და ყალბი დოკუმენტაციის დამზადებაში თანხის გადახდისაგან.

გვსურს მკაფიოდ განვაცხადოთ, რომ მსგავსი ქმედებები არა მხოლოდ სამართალდარღვევას, არამედ შესაძლოა სერიოზულ სისხლისსამართლებრივ პასუხისმგებლობასაც გამოიწვევს როგორც იტალიის, ისე საქართველოს კანონმდებლობის თანახმად.

არსებობს კანონიერი და სანდო მექანიზმები, რომლებიც უცხო ქვეყნის ტერიტორიაზე ცხოვრების, მუშაობის, მკურნალობისა და განათლების მიღების მიზნებით ლეგალურად დაშვებას უზრუნველყოფს. მათ შორისაა:

სამუშაო ვიზები კონკრეტული კონტრაქტისა და დამსაქმებლის საფუძველზე,
სტუდენტური ვიზები განათლების დაწესებულებებში ჩარიცხვის შემდეგ,
სამედიცინო ვიზები მკურნალობის საჭიროების დასაბუთებით და სხვა ფორმები.

გაფრთხილებთ, რომ ყალბი დოკუმენტების გამოყენება ან დამზადებაში მონაწილეობა მიგრაციის სამართლისა და სისხლის სამართლის სერიოზული დარღვევაა, რასაც ხშირად მოჰყვება დაკავება, სისხლისსამართლებრივი დევნა და შემდგომი დეპორტაცია.

მოვუწოდებთ ყველა დაინტერესებულ პირს მიმართონ კომპეტენტურ პირებს ან მიგრაციის სპეციალისტებს, რათა მოახდინონ მოქმედი კანონდმებლობით განსაზღვრული პროცედურების დაცვით მიგრაციის ლეგალური გზის მოძიება.

კონსულტაციისთვის დაგვიკავშირდით