როდის ჩაითვლება ანდერძი ბათილად

ანდერძი ბათილად ჩაითვლება იმ პირობების არსებობის შემთხვევაში, რომლებიც იწვევენ გარიგების ბათილობას, მაგალითად, მამკვიდრებლის მიერ დაშვებული შეცდომის ან მოტყუების გამო .

ანდერძი ბათილია იმ შემთხვევაშიც, როდესაც საანდერძო განკარგულება ეწინააღმდეგება კანონს ან საზოგადოებრივ ინტერესს, ან საანდერძო განკარგულებები გაუგებარია ან ეწინააღმდეგებიან ერთმანეთს (სამოქალაქო კოდექსის 1403-ე მუხლი). ანდერძის ბათილობა სამემკვიდრეო სამართალში დაკავშირებულია ზოგადად სამოქალაქო სამართალში არსებული გარიგების ბათილობის გარემოებებთან და, გარდა ამისა, შეიცავს კიდევ დამატებით გარემოებებს, რომლებიც იწვევენ ანდერძის ბათილობის სამართლებრივ შედეგებს. შესაბამისად, ანდერძის ბათილობის საფუძველი შეიძლება იყოს ის, რომ მამკვიდრებელს ანდერძის შედგენის მომენტში არა აქვს მოქმედების ნება, ან ნების გამოვლენის სურვილი, ან ანდერძის შედგენამ გამოიწვიოს განსაზღვრული სამართლებრივი შედეგი.

ასევე, ბათილია ის საანდერძო განკარგულება, რომელიც შეეხება იმ ნივთს ან ფულად თანხას, რომელიც არ განეკუთვნება სამკვიდრო ქონებას;

ბათილია საანდერძო განკარგულება, რომელიც განსაზღვრავს, რომ მემკვიდრე სამკვიდროს შეიძენს მხოლოდ განსაზღვრული დროით და არა მამკვიდრებლის გარდაცვალების დღიდან, ან იმ პირზე მითითებით, რომელზეც უნდა გადავიდეს ქონება მემკვიდრის გარდაცვალების შემდეგ (სამოქალაქო კოდექსის 1404-ე მუხლი).

ერთ-ერთი საანდერძო განკარგულების ბათილობა არ იწვევს სხვა საანდერძო განკარგულებების ბათილობას. ანდერძის ნამდვილობა შეუძლიათ სადავო გახადონ მემკვიდრეებმა ან სხვა დაინტერესებულმა პირებმა იმ გარემოებათა გამო, რომლებიც გარიგების ბათილობას იწვევენ, სამკვიდროს გახსნის დღიდან ორი წლის განმავლობაში, სასამართლოში სარჩელის წარდგენით.

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს.

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.