რომელი სახის ქონება ითვლება თანაზიარ ქონებად?

მეუღლეთა საკუთრების რეჟიმის გარკვევისას  აღსანიშნავია ის, რომ მეუღლეთა საკუთრებაში არსებული ქონება შეიძლება სხვადასხვა სამართლებრივი რეჟიმისა იყოს. მათი მფლობელობა, სარგებლობა და განკარგვა სხვადასხვა საფუძველზე ხდება. საოჯახო კანონმდებლობით მეუღლეთა საკუთრება იყოფა ორ ნაწილად – ინდივიდუალურ და საერთო თანაზიარ საკუთრებად, ანუ თანასაკუთრებად.

ინდივიდუალური არის ქონება, რომელიც თითოეულ მათგანს ქორწინებამდე გააჩნდა, აგრეთვე ქონება, მიღებული ქორწინების პერიოდში საჩუქრის ან მემკვიდრეობის სახით, მეუღლეთა ერთიანი ბიუჯეტიდან შეძენილი ქონება, თუ იგი ემსახურება ერთ–ერთი მეუღლის ინდივიდუალური მოთხოვნების დაკმაყოფილებას. სამოქალაქო კოდექსი აგრეთვე იცნობს ინდივიდუალური საკუთრების საერთო საკუთრებად გადასვლის შესაძლებლობასაც, ეს ხდება იმ შემთხვევაში, თუ ინდივიდუალური საკუთრების ღირებულება საგრძნობლად გაიზარდა ქორწინების პერიოდში. მოცემულ საკითხს არეგულირებს კოდექსის 1163– ე მუხლი. თუმცა მოცემული ნორმა არ შეიძლება გამოყენებული იქნას იმ შემთხვევაში, თუ საქორწინო ხელშეკრულებით სხვა რამ არის დადგენილი.  

ქონება,რომელიც ქორწინების პერიოდში შეიძლება იყო შეძენილი და საერთო დანიშნულებაც გააჩნდეს მას, მაგალითად ავტომანქანა, მაგრამ თუ შეძენილია მემკვიდრეობით ან ჩუქებით მიღებული სახსრების საფუძველზე, იგი მაინც ინდივიდუალური საკუთრების ქონებად უნდა ჩაითვალოს.

ქორწინების შემდეგ შეძენილი ყველა სახის ქონება არ წარმოადგენს თანაზიარ ქონებას. თანაზიარად ითვლება მხოლოდ ის ქონება, რომელიც შეძენილია საერთო სახსრებით და განკუთვნილია საერთო სარგებლობისათვის.

თუ ქონება, მართალია შეძენილია მეუღლეთა საერთო სახსრების საფუძველზე, მაგრამ განკუთვნილია ერთი მათგანის ინდივიდუალური სარგებლობისათვის, აუცილებლად უნდა ჩაითვალოს ინდივიდუალურ საკუთრებად. კანონი ასეთი ქონების კატეგორიიდან გამორიცხავს მეუღლეთა მიერ შეძენილ ძვირფასეულობას, თუმცა არ აზუსტებს რომელი ნივთები მიეკუთვნება მას. ასეთი ქონება, მიუხედავად იმისა, რომ იგი შეიძლება განკუთვნილი იყოს რომელიმე მეუღლის ინდივიდუალური სარგებლობისათვის, მეუღლეთა თანაზიარ საკუთრებას წარმოადგენს. დავა იმის შესახებ, მიეკუთვნება თუ არა ესა თუ ის ნივთი უნდა გადაწყვიტოს სასამართლომ.  

სამოქალაქო კოდექსის 1164-ე მუხლით გათვალისწინებულია მეუღლეთა საერთო ქონების გაყოფა. მეუღლეთა საერთო ქონება თითოეული მეუღლის მოთხოვნით შეიძლება გაიყოს როგორც ქორწინების განმავლობაში, ისე მისი შეწყვეტის შემდეგ. მეუღლეთა თანაზიარი ქონება მათ ეკუთვნით თანაბრად, წილის წინასწარ განუსაზღვრელად. თითოეული მათგანის წილის განსაზღვრა შეიძლება მოხდეს ერთ– ერთი მეუღლის ან ორივე მათგანის მიერ თანაზიარი ქონების გაყოფის მოთხოვნის შემთხვევაში. 

მეუღლეთა თანაზიარი ქონება მათ ეკუთვნით თანაბრად, წილის წინასწარ განუსაზღვრელად. თითოეული მათგანის წილის განსაზღვრა შეიძლება მოხდეს ერთ– ერთი მეუღლის ან ორივე მათგანის მიერ თანაზიარი ქონების გაყოფის მოთხოვნის შემთხვევაში. 

დამატებითი ინფორმაციის მიღების მიზნით დაუკავშირდით საერთაშორისო საადვოკატო კომპანია ,,ნაკაშიძე&პარტნიორები/ Law Office Nakashidze&Partners''-ს. 

ვუზრუნველვყობთ თქვენს დაცვას/წარმომადგენლობას: საქართველოსა და იტალიაში ყველა ინსტანციის სასამართლოში; ადმინისტრაციულ ორგანოებში,საელჩო,საკონსულო,იუსტიციის სახლში და სამინისტროებში; სამართლებრივი ურთიერთობის რეგულირებას ფიზიკურ და იურიდიულ პირებთან;სტრასბურგის-ადამიანის უფლებათა ევროპულ სასამართლოში.

კონსულტაციისთვის დაგვიკავშირდით

საქართველოში 599 50 55 78  
თბილისი, ალ.ყაზბეგის №47 (მეტრო დელისი)
თბილისი, გურამიშვილის N23 ა (მეტრო ღრმაღელე)

იტალიაში 351 5 47 00 47  
ბარი, ბალენძანოს მოედანი 12ა

გაზიარება

Facebook კომენტარები